ஐ.பி.எல். 2025 தொடரின் மூன்றாவது போட்டியில், சென்னை சேப்பாக்கத்தில் இன்றிரவு (23) நடந்த ஆட்டத்தில் சென்னை சூப்பர் கிங்ஸ் அணி, மும்பை இந்தியன்ஸ் அணியை 4 விக்கெட் வித்தியாசத்தில் வீழ்த்தியது. இது மும்பையின் தொடக்க ஆட்ட தோல்வியை 13 ஆண்டுகளாக நீட்டித்தது.
முதலில் துடுப்பெடுத்தாடிய மும்பை, 20 ஓவர்களில் 9 விக்கெட்டுகளுக்கு 155 ஓட்டங்களை எடுத்தது. சென்னையின் நூர் அகமட் (4/18) மற்றும் கலீல் அகமட் (3/29) பந்துவீச்சில் மும்பை சரிந்தது. பதிலுக்கு, ராச்சின் ரவீந்திராவின் ஆட்டமிழக்காத 65 (45) மற்றும் ருதுராஜ் கெய்க்வாட்டின் 53 (26) ஆகியவை சென்னையை 19.1 ஓவர்களில் வெற்றிக்கு அழைத்துச் சென்றன. மும்பையின் அறிமுக வீரர் விக்னேஷ் புதூர் 3/32 எடுத்து பாராட்டப்பட்டார். ஆட்டநாயகனாக நூர் அகமட் தெரிவானார்.
இதேவேளை, ஹைதராபாத்தில் நடந்த போட்டியில், சன்ரைசர்ஸ் ஹைதராபாத் அணி ராஜஸ்தான் ராயல்ஸை 44 ஓட்டங்களால் வென்றது. முதலில் துடுப்பெடுத்தாடிய ஹைதராபாத், 20 ஓவர்களில் 6 விக்கெட்டுகளுக்கு 286 ஓட்டங்களை குவித்தது. இஷான் கிஷான் ஆட்டமிழக்காத 106 (47) ஓட்டங்களுடன் ஆட்டநாயகனாக தெரிவானார். பதிலளித்த ராஜஸ்தான், 20 ஓவர்களில் 6 விக்கெட்டுகளுக்கு 242 ஓட்டங்களை மட்டுமே எடுத்தது.