ஐபோன் 17: ஐந்து பெரிய மாற்றங்களுடன் புதிய தோற்றம்!

ஆப்பிள் நிறுவனத்தின் அடுத்த ஐபோன், ஆறு தலைமுறைகளுக்கு பிறகு மிகப்பெரிய மேம்பாடுகளுடன் வரவுள்ளதாக எதிர்பார்க்கப்படுகிறது. புதிய கமெரா வடிவமைப்பு, மெல்லிய மற்றும் மிருதுவான திரைகள், புகைப்படம், வழிசெலுத்தல், செயற்கை நுண்ணறிவு ஆகியவற்றிற்கு மேம்பட்ட மென்பொருள் திறன்களுடன் ஐபோன் 17 வெளியாகும் என தகவல்கள் தெரிவிக்கின்றன. இதோ, ஐபோன் 17 இல் பயனர்கள் எதிர்பார்க்கக்கூடிய ஐந்து முக்கிய மாற்றங்கள்:

இரு பொருள் வடிவமைப்பு
ப்ளூம்பெர்க்கின் மார்க் குர்மன் கூறுகையில், ஆப்பிள் இனி வெறும் கண்ணாடிக்கு பதிலாக உலோகம் மற்றும் கண்ணாடி கலவையை பயன்படுத்த திட்டமிட்டுள்ளது. ஐபோன் 17, உறுதியான டைட்டானியம் கலவை சட்டத்தை கொண்டிருக்கலாம். கமெரா பகுதியை சுற்றி உலோகம் பயன்படுத்தப்பட்டு, பின்புறம் மிகவும் நீடித்து உழைக்கும் வகையில் வடிவமைக்கப்படலாம். தற்போதைய பெட்டி வடிவ விளிம்புகளை மாற்றி, மெலிதான தோற்றத்திற்கு அல்ட்ரா-தின் கிளாஸ் (UTG) திரையும் பயன்படுத்தப்படலாம்.

வேகமான செயல்திறன்
அடுத்த ஐபோன், TSMC இன் 2nm தொழில்நுட்பத்துடன் கூடிய A19 சிப்பை பயன்படுத்தி, வேகமான செயல்திறனையும் சிறந்த மின்சக்தி திறனையும் வழங்கலாம். ஆயினும், இந்த மேம்பாடுகள் சிறிய அளவிலேயே இருக்கும் எனவும், பயனர்களுக்கு பெரிய வித்தியாசம் தெரியாமல் போகலாம் எனவும் தகவல்கள் உள்ளன. இது மின்கல ஆயுளை மேம்படுத்துவதுடன், மேம்பட்ட செயற்கை நுண்ணறிவு அம்சங்களையும் கையாளும். மேலும், சிறந்த வெப்ப மேலாண்மை அமைப்பு வெப்பத்தை விரைவாக குறைக்கும் என எதிர்பார்க்கப்படுகிறது.

மேம்பட்ட கமெராக்கள்
ப்ரோ மாடல்களில் கமெரா பம்ப் இருக்கலாம் என்றாலும், சாதாரண ஐபோன் 17, 48MP முதன்மை சென்சாரை தொடர்ந்து பயன்படுத்தலாம். ஆனால், அல்ட்ராவைடு கமெரா 12MP இலிருந்து 48MP ஆக மேம்படுத்தப்பட்டு, தெளிவான அகலப்பரப்பு படங்களை வழங்கும். போர்ட்ரெய்ட் மோடு மற்றும் நைட் மோடு மேம்படுத்தப்படலாம். முன்பக்க கமெரா 24MP ஆக உயர்த்தப்பட்டு, தெளிவான செல்ஃபி மற்றும் வீடியோ அழைப்புகளை உறுதி செய்யும் என தெரிகிறது.

ப்ரோமோஷன் திரைகள்
முதல் முறையாக, ப்ரோ அல்லாத மாடல்களும் 120Hz புதுப்பிப்பு வீதத்தை பெறலாம். ஐபோன் 17, தகவமைப்பு புதுப்பிப்பு வீதத்துடன் கூடிய ப்ரோமோஷன் திரையை பெறும் என தகவல்கள் உள்ளன. ஆனால், செலவைக் குறைக்க OLED க்கு பதிலாக MicroLED பேனல் பயன்படுத்தப்படலாம். இது சிறந்த மாறுபாடு, குறைந்த மின்சக்தி பயன்பாடு மற்றும் பர்ன்-இன் சிக்கல்களை தவிர்க்கும் திறனை வழங்கும்.

மின்கல மேம்பாடுகள்
புதிய சிப் மற்றும் மேம்பட்ட வெப்ப மேலாண்மை அமைப்பு, ஐபோன் 17 இன் மின்கல ஆயுளை நீட்டிக்க உதவலாம். சாதனம் சூடாவதை குறைக்கும் இந்த அமைப்புடன், MagSafe இணைப்பும் மேம்படுத்தப்படலாம் என தகவல்கள் தெரிவிக்கின்றன.