கொழும்பு பங்குச் சந்தை கடும் வீழ்ச்சி: டிரம்ப் வரிகள் தாக்கம்

கொழும்பு பங்குச் சந்தை (CSE) இன்று கடுமையான சரிவை சந்தித்துள்ளது. முக்கிய பங்கு குறியீடுகள் பெரும் வீழ்ச்சியை பதிவு செய்தன.

அமெரிக்க ஜனாதிபதி டொனால்ட் டிரம்ப் புதன்கிழமை அறிவித்த பரஸ்பர வரிகளே இந்த சந்தை சரிவுக்கு காரணம் என தெரிவிக்கப்படுகிறது.

அனைத்து பங்கு விலை குறியீடு (ASPI) 349.84 புள்ளிகள் சரிந்து 15,657.60 புள்ளிகளாக முடிவடைந்தது. அதேபோல், S&P SL20 குறியீடு 119.30 புள்ளிகள் வீழ்ச்சியடைந்து 4,643.32 புள்ளிகளில் நிறைவு பெற்றது.

இதனிடையே, இன்றைய வர்த்தகத்தில் 3.82 பில்லியன் ரூபாவிற்கு மேல் புழக்கம் பதிவாகியுள்ளது.